無綫金童玉女陳豪同陳茵媺日前喺加拿大多倫多補擺喜酒，婚禮過後，茵媺留喺加國待產。講開加國產B，不得不提一代性感女神鍾麗緹（Christy），當年佢要愛情唔要麵包，堪稱烈女。
話說喺97年，27歲嘅Christy索到嘩嘩聲，佢啱啱拍完套《97家有囍事》，同星爺飾演一對，當年人氣衝到上雲霄，啲job多到接唔晒。不過就喺嗰個moment，Christy突然粒聲唔出飛咗去加拿大，仲不惜毀約遠走高飛，原來佢懷有外籍男友Glenn Ross嘅愛情結晶。當時呢單新聞轟動全城，各大傳媒都有派記者飛去蒙特利爾採訪，聽聞當時仲有記者操勞得滯，搞到爆肺入埋廠㖭！Christy接受訪問時話：「我𠵱家喺呢度休息緊，乜嘢事？乜你哋唔知咩？我會出年返。」98年，Christy嫁畀Glenn，誕下女兒Yasmine，可惜婚後同老公聚少離多，喺00年簽紙離婚，真係可惜。
撰文：阿Wow
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！