【踩多兩腳】
除了美國科網股，在港上市手機股近期慘成被拋售對象，其中，大行更踩多兩腳，唱衰龍頭股瑞聲科技（2018）。大摩「摩笛」料未來15日，瑞聲有七至八成機會股價下跌。該行預料，瑞聲第三季業績差過預期，主要受到蘋果公司可能於第3季尾才推出新iPhone，以及三星產品的平均售價增長慢過預期所致，至於中國智能手機加入中高檔市場競爭，亦令瑞聲定單減少，而今、明兩年市盈率為16倍及14倍，並不吸引，該行將其評級維持「與大市同步」，目標價38元。
麥格理亦不客氣，預期瑞聲下半年北美客戶的手機定單將下降，而次季業績預期亦只會符合或遜於預期，又相信今季來自南韓客戶的定單亦可能疲弱；而平板電腦出貨量，仍不足以抵銷手機定單下滑。現時瑞聲來自北美及南韓的定單，佔總收入近七成，料股價短期應該「冇運行」，評級由「跑贏大市」降至「跑輸大市」，目標價勁劈37%至32元。
大行唱淡之下，瑞聲股價昨跌5.7%報33.85元，其他手機概念股亦不能倖免，富智康（2038）、舜宇光學（2382）及中國無線（2369）跌3%至8%。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange