（樂）足欖對決，王者誰屬？日前喺法國土倫嘅馬約爾球場，就上演咗一場足球對欖球嘅慈善賽，由法甲足球隊馬賽（圖）對欖球隊土倫；兩隊先喺上半場踢足球，然後下半場打欖球！呢場咁出位嘅比賽，仲係由「曼聯大帝」簡東拿做球證㖭，而佢喺下半場仲一顯身手，射中欖球「H架」！馬賽喺上半場用腳領先5:4，而喺下半場改用手，最後險勝36:35。