【依依不捨】
一群波牛，把香港逐漸式微的足球運動，與消逝中的仁愛圍社群連繫起來，串演成「再會仁安人民盃」。由前甲組球會星島球員盧樂謙率領的業餘球隊「人民足球」，與「活在觀塘」將於下月24日在仁安里舉辦球賽，讓街坊以汗水和笑聲，向老社區道別。
「足球係好多人嘅共同嗜好，好多人參與到。仁安里又係好多人來過食糖水、嚟大牌檔消夜嘅地方。我哋想透過足球，召集番已經四散嘅舊街坊，重新搵番自己嘅網絡。」阿謙說。他最惋惜的是，隨着一個跟一個舊區被遷拆重建，香港各地區已經失去個性，「好似從來冇喺度生活過咁」。
「人民盃」在仁安里空地上演，從事藝術的阿謙用水喉通自製了兩個龍門，山寨味十足。採訪當晚，仁安里烏燈黑火，兩旁唐樓十室九空，仍在營業的雞記麻雀成為空巷裏僅餘的光源。
但袁智仁說：「唔好以為呢度已經變成死城，仲有人未搬走。」透過山寨球賽，阿謙與袁智仁希望重新喚醒公眾關注，很多受重建影響街坊的問題仍未解決。
《蘋果》記者