【銅鑼灣】陳奕迅（Eason）嘅演唱會喺紅館進行得如火如荼，身為老婆嘅徐濠縈就更加忙上加忙，又要照顧老公同囡囡，又要幫人哋打理時裝生意。前日下午3點鐘，一頭金髮嘅Eason嫂約咗另一位染金髮嘅女子喺銅鑼灣食街，一邊嘆茶一邊傾嘢，其間雖然發現有記者影相，Eason嫂都係指一指記者就繼續傾。傾咗大約一個鐘，佢哋兩個就去咗佢打理嘅時裝店，Eason嫂仲去咗收銀櫃度交帶店員做嘢，成個女強人咁。
採訪、攝影：吳耀輝
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！