【加拿大】已經有一段時間冇喺香港出現嘅張栢芝，原來帶咗兩個囝囝Lucas同Quintus去咗加拿大旅遊，過下啲健康又充實嘅生活。栢芝之所以揀加拿大，唔知同早前傳兩個仔已經入籍加拿大有冇關係，又會唔會係順便幫兩個仔喺當地搵學校有關。
Quintus搶住除褲
栢芝雖然身處外國，但有華人嘅地方就有人認得佢，好似早前佢哋三母子喺加拿大去咗一個泳池戲水，着住背心短褲，紮起頭髮嘅栢芝同兩個仔玩得好投入，場面相當溫馨，唔少當地人都認得出栢芝，仲要求合照。玩完之後，栢芝帶埋兩個仔去換泳衣、沖身同洗頭一腳踢，最有趣嘅係Quintus自己搶住除褲，露出半邊屁股。
另外，早前謝霆鋒舊愛王菲喺微博留言：「都不忍心提醒你注意左眼。」有人對號入座，以為佢慰問經常戴墨鏡嘅霆鋒，原來只係美麗誤會，王菲留言嘅對象另有其人。而王菲同老公李亞鵬因為都忙於工作等等嘅事，所以照顧囡囡李嫣嘅責任就落咗喺保母身上。
撰文：李森
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！