說到舊史，肥佬黎後生時曾獲高人傳授追女秘技，令他在情場無往而不利。
黎：我記得細個呢，尖沙嘴有個地方專係嗰啲海員俱樂部，嗰時係媾女最好嘅地方。泰國航空公司所有嗰啲air hostess，泰國呀、菲律賓呀，所有喺晒嗰個游泳池游水。我記得有個蘇聯人，成日喺度飲啤酒，教啲𡃁仔點樣媾女。好多人媾女係咪都媾，個女仔鍾唔鍾意你，你都媾，冇用㗎嘛夾硬嚟。佢講樣嘢畀我聽，話媾女一定有個signal畀你，當你媾女，你睇得到個女仔同你講講吓話，突然間有啲「騷氣」出咗嚟。
周：（全神貫注）點樣騷法呢嗰陣味？
黎：（續說）𠵱家啲𡃁仔係有媾唔係有媾，但你真係注意得到喎，個女仔真係突然間，嗰啲騷氣真係出嚟喎，即係佢對你有意思。
倪：我從來未媾過女，點會知？哈哈哈哈。
周：咁如果男仔對女仔有意思呢？
蔡：男仔追你就追啦！（大笑）
黎：男仔對女仔有意思就成日都有啦，所以你唔使諗啦。
周：唔係㗎，唔係㗎。𠵱家唔係好似以前咁㗎啦！
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24