近來唔少男藝人爭住騷肌，其中最令人譁然嘅梗係張家輝，估唔到平時惜玉如金嘅黃宗澤（Bosco）都嚟湊熱鬧騷哥利。近日Bosco成為Yamada Miyura健康食品代言人，早排仲拍咗輯宣傳相，只見佢着住西裝，中門大開真空露出肌肉，嘩！晒肌喎，唔怪得Bosco話有啲緊張，為咗以最佳狀態出現，佢話事前專登食得清淡啲，仲做咗好多運動。
媽咪愛心湯水
Bosco覺得自己嘅身形算合格，不過馮仁昭見佢好勉強先谷到兩、三嚿肌肉仔出嚟，相比起家輝或者其他肌男，Bosco真係小巫見大巫。問到平日點樣保持身形？Bosco話：「有時間都鍾意做運動，亦會打籃球、做gym、游水同踩單車，運動完後出一身汗令人精神百倍！我都鍾意曬太陽，有助吸收維他命E。」佢仲話當然唔少得媽咪嘅愛心湯水，所以都話世上只有媽媽好！
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！