混血女模Ana R.除愛行天橋騷靚衫，工餘愛做廚房妹，朋友心目中的美女廚神。訪問當日，Ana R.貼心為三名嘴和嘉賓周秀娜準備下午茶，當四人在客廳對談錄影，Ana就在黎宅廚房焗製美式朱古力云呢拿蛋糕，為眾人送甜。穿上小背心的Ana捧着香噴噴製成品上枱，秀色可餐。
甜心驚喜，眾人雀躍，尤其嗜甜的周秀娜，馬上衝口而出說：「恭敬不如從命。」肥佬黎未嚐已讚不絕口：「香到呢。」大家對Ana的蛋糕都好有興趣，她說：「我花了約一小時準備，製作則約個半小時。」Ana邊說邊把蛋糕分給大家品嚐，周秀娜老實不客氣，大啖吃後，滿足的說：「好食無比。」倪匡最初表示只試一小片，結果密密食完，又靜雞雞添食，他吃後說：「夠甜又夠香，好多甜品唔夠甜，佢就夠晒。」
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24