前日書展開鑼有𡃁模向途人送波餅，噚日輪到應昌佑約JW去屯門打沙灘排球，近距離送波餅畀JW，不過呢次係真波餅，搞到JW應聲掩面大叫。事後JW話要反擊送波餅報仇，應昌佑話：「讀書時成日睇女同學打波，今日啲對手身材一睇就知弱。」嚟緊同郭穎兒（Celia K.）拍《喜愛夜蒲3》， 應昌佑話得到老婆體諒：「老婆話唔好除底褲，同埋對手唔除底褲就得，其實錫、攬同親熱動作都係難免。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！