有免費的士搭咁著數？有歌舞表演團體昨午在中環鬧市，出動型男索女遊街，又於下午1時15分至2時霸佔中環畢打街的士站，請人免費搭的士。
團體安排了50部的士接載乘客，並向市民派乘車證，逾百人成功上車。性感女模樂基兒出席活動引起哄動，有粉絲曹小姐全程跟實，還響應搭免費的，「我去信德中心，頭先見到樂基兒，跟住佢過嚟睇到呢度有免費的。」有一家三口的內地遊客去淺水灣玩，得悉有免費的坐都表示很意外。
車頂佈置了長腿模型的50部的士，短短15分鐘已全部上客開走，當普通的士正常到站，已登記乘免費的士的客人，又未能上車，落得一場空。有港女原本不介意上普通的士，但工作人員又叫她等等，結果讓後面的乘客先上，氣得她深深不忿，更發脾氣走人：「安排非常差，我係要返工架，你又整呢啲車嚟！」有乘客表示趕時間不會等，直接乘正價的士，有媽媽抱著女兒趕上學，皺起眉頭苦惱說：「家的士站咁樣我搭唔到.......」
團體為免普通的士爭客，派工作人員向普通的士司機派利是，「就一就去第二度，呢度有50蚊利是！」但的士司機仍感不滿，「好影響囉！我哋最希望正常做生意，又最希望唔好有八折的，家仲免費！」免費的士司機也未必好賺，團體包車兩小時，雖然大部份客人都去附近，但有乘客過海，甚至去新界，司機便不滿連油錢都蝕掉，「為甚麼有客去大埔！沒人去嗎？我哋焗住去會蝕！」
錯過了優惠的你不用失望，團體將於周日(7月21日)下午3時至3時45分，在銅鑼灣時代廣場請人免費乘的士，未知到時會否又不夠的士呢？
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24