樂基兒昨日在中環為澳門TABOO滙演做宣傳，大會請途人免費搭的士搞gimmick，又安排20個有SM feel的性感男、女模造勢，包括霍啟山緋聞女友Lea T.及久未露面的Alice B.。樂基兒雖然不算太性感，不過勝在大腿及玉背若隱若現，與模特兒合照時更手執皮鞭，吸引近百途人圍觀。合照時，有半裸男模飛快親吻樂基兒的臉，不過事後樂基兒笑言冇感覺，問到是否介意？她說：「做嘢專業，都唔會自己create個畫面。」
「感情嘢唔講」
樂基兒透露最近設計限量版泳衣，預計明年暑假推出，今日會到美國邁阿密睇泳衣騷取靈感，另還有其他design工作做。回復單身以後，接job方面會否大膽點？樂基兒坦言由公司安排工作，只要適合都會照做：「如果叫我跳呢類舞就唔得，我跳舞好差，又怕醜！」問她不以性感打扮示人，是否擔心男朋友不喜歡？她聽到男朋友三個字便落閘：「關於感情嘢唔講！」
另外，大會公關丁子高笑言太太楊千嬅不知道活動中有性感女模：「我合照嗰陣，都同性感女模保持距離，仲冇四圍望。」提到早前被拍到一家人睇車，丁子高表示當日原本是外父想買車：「佢睇唔中，反而個仔睇中架玩具車，死都唔肯放手，惟有買畀佢。」至於久未露面的Alice B.以性感造型現身，她說：「本來有點怕，但看到不只是自己這樣穿便覺得好funny！」
採訪：譚倩宜
攝影：陳志嵐
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24