上季驚險護級嘅港甲球隊公民（圖），因為成績唔好，據聞有球員要減薪；而佢哋噚日朝開操，行政總監貝可泓坦言，減班費之餘，仲要開源節流。公民暑期有成7件離隊，本地兵得番陳韶遠同土生洋將唐道碧，外援就有踢過印尼阿雷馬嘅塞爾維亞防中卡錫，加埋已斟妥嘅巴西新前鋒，組軍已完成。貝可泓話，只要新援對辦，實力係有增無減。