沈震軒（右）初試啼聲唱嘅電影主題曲《溝女不離三兄弟》，噚日喺金鐘首播MV，老闆黃柏高同導演葉念琛都有嚟撐場，同場仲有MV女主角Joy（左），沈震軒話可以唱主題曲好開心，佢簽咗Paco公司主攻電影，MV有場戲講沈震軒俾Joy摑，Joy話：「佢好好，叫我唔好就住，都畀我抽咗幾巴。」沈震軒咁唱得，做乜唔參加無綫嘅《星夢傳奇》？佢話：「公司都有搵我，但係就唔到時間，其實要畀人批評都幾難受，見到啲藝員同事好努力，都戥佢哋有壓力。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！