繼日前嘅曉明BB後，噚日亦有「貴賓」到訪立法會，就係導盲犬Google同Tovi嘞。香港導盲犬服務中心成員噚日帶埋Google同Tovi，踩入立法會搵民建聯陳克勤，反映現行有關導盲犬法例嘅不足，希望政府改善。中心主席張偉民話呀，香港好難本土訓練導盲犬，皆因唔少大廈公契寫明唔准養狗，但現行法例又冇豁免訓練導盲犬嘅寄養家庭，希望當局可以完善法例啦。
Google係香港首隻本土訓練成功嘅導盲犬，佢嘅服務對象David就想政府多做公眾教育，透露同Google出街時，入食肆搭港鐵都不時受阻，間唔中都會同前線服務人員爭拗。