【中環歌賦街】導演錢國偉嘅電影《喜愛夜蒲》系列已經拍到第三集，今次仲話會蒲到韓國。前晚9點鐘，錢國偉繼續夜蒲本色，同女友陳宛蔚加埋另外兩女一男去咗中環歌賦街、周星馳好鍾意幫襯嘅餐廳開餐。成餐飯大家都傾得好開心，錢國偉秉承肥仔為食本色，成餐飯食唔停口。食到11點埋單成班人離開，但錢國偉好似冇乜風度，埋完單就一支箭咁行去攞車，留低右腳受傷嘅女友同朋友好辛苦咁喺後面跟住。
採訪、攝影：李志明、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！