全城等候伯老講話，指數窄幅飄浮，幾乎唔使睇！為免伯老又再亂噏嘢，殺錯良民，魏力昨日尾市都先行減磅，鎖定部份利潤。值得留意的是，不少基金股或強勢股昨逆市急插，絕非好兆頭，安東油田（3337）更跌穿重要支持位，反映頁岩氣概念炒完了。
熱錢全力進攻概念股，內房殼股又番炒，日前在fb推介的深圳科技（106）突破下降軌，創新高指日可待。金地商置（535）及積華生物（2327）亦大成交破旗。睇圖尋寶，恒力商業地產（169）整固近完成，隨時又炒到你唔信。
不過內房殼股中，幅圖最標青的莫過於方正數碼（618）。方正5月底獲注資後，股價至今炒高約一倍，但與其他殼股比較仍是大落後。此股注資方向清晰，加上近期向管理層授出1.63億份購股權，佔總股本一成，行使價0.91元，現價僅較其高15%，炒作誘因甚高，仍具倍升潛力！
今年1月，方正轉型進軍內房，先後收購江蘇及湖北物業，5月再購入湖南商住用地，確立為方正集團的房地產旗艦。翻查資料，方正集團旗下至少仍有三家內房子公司可注入方正數碼，包括北京萬順達、武漢國信和昆山高科，可見目前只是注資的頭盤階段，主菜仲未上。
該股昨大成交突破旗形向上，升穿10日線，MACD再現雙牛，形勢大好，短炒先睇上月高位1.20元，中線可望成為倍升股。
魏力
http://www.facebook.com/2012jason