機械人跟豆腐火腩飯一樣，都係男孩子的浪漫，試問有多少個男生不是伴着「銀牙、銀牙」聲長大？今天上映《悍戰太平洋》（PACIFIC RIM），正是打正巨型機械人旗號，雖然劇情係人都估到，但勝在有成座山咁高，兼設計滿有東洋風的巨型機械人跟巨獸大戰，仲要打到嚟香港，超熱血！
記者：韓繼聰
殺入香港 青馬大橋打怪獸
巨型機械人激戰巨獸是電影賣點！但更讓我們看得興奮的，是不少戰鬥場景設在香港，無論在早期的設計圖，還是電影劇照，都見到香港的街道和特色招牌，甚至有疑似青馬大橋，大家必定睇得過癮。
機械設定方面，導演Guillermo del Toro強調每部Jaeger，都有其獨特的性能，甚至必殺技，非常有日本機械人色彩。更有趣的是機械人的控制系統，設定為「神經連接系統」，即操作員的動作完全連接機械人活動，人點郁機械人就點郁，除此之外，更需要兩人或以上連接思想，同時操作，這種「同步」頗有《新世紀福音戰士》Feel。
有正義朋友當然也有敵人，電影中的巨獸全部源於海洋，跟導演幼年時鍾情的《哥斯拉》同出一轍，不會像荷李活版《哥斯拉》般不倫不類。
７吋玩具 App巨獸對戰
有機械人有怪獸，又點會少得玩具？美國著名玩具公司NECA已率先推出了多款玩具，其中7吋和18吋Figure非常吸引，包括主角機Gipsy Danger、中國機Crimson Typhoon及怪獸Knifehead。
玩具設計非常精巧，關節頗多，可做出多款不同動作，上色也相當細緻，從網上圖片所見，最吸引的是Crimson Typhoon，三手設計好玩之餘，紅色機身及中文字的設計亦非常美觀。比較可惜的是小記問過不少大小玩具店，都未有引入，睇完戲想玩埋玩具的大小朋友，暫時只能上網找找。
想現成有得玩的話，大家也可下載App版遊戲，除了跟巨獸對戰，更可把Jaeger的裝備和武器升級，增強戰鬥力。另外電影官網上亦有小遊戲、機體介紹、心理測驗等。
快速回帶：經典機械人救地球
多年來，多少機械人從危難中拯救了地球？《悍戰太平洋》的Jaeger係幾有型，但講經典，點及得上日本多年來創作的機械人？
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24