無綫港姐今年搞搞新意思，佢哋同康泰合作推出「2013香港小姐外景拍攝追蹤系列與你同行．暢遊世界八大名城計劃」，巴黎、曼谷同台北團都先後出發，噚日有報道話因為團費太貴，加上團友冇得近距離觀摩泳衣環節，所以有啲團未能成團。無綫外事部副總監曾醒明噚日話：「成唔成團係康泰問題，但一定唔影響佳麗出發外景，呢次會考佳麗獨立能力，化妝整頭都要自己搞掂。」至於𠵱家身處台灣拍外景嘅6號劉佩玥、15號蔡思貝及20號陳偉琪，沿途爭取時間影相留念。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！