立法會捐血日，除咗慢必因為同同性發生過性行為而被拒捐血，原來仲有唔少男丁唔捐得，包括民建聯漁農界嘅何俊賢。話說佢係因為94至95年間，喺英國逗留超過3個月而被紅十字會say no，根據世衞標準，94至95年英國曾經爆發瘋牛症，所以呢批人「禁捐」。工程界盧偉國同體育、演藝、文化及出版界馬逢國，噚日都興致勃勃走入宴會廳準備捐血，點知向當值人員申報最近食緊藥後，即時無奈被「遣返」。最犀利都係民主黨單仲偕，事關佢噚日原來係捐人生中第30次血，獲紅十字會頒發獎狀鼓勵，自由黨張宇人都有去捐血，唔知點解噚日捐血嘅議員，幾乎清一色全男班呢？