恭喜恭喜，恭喜肥嘢——忌廉哥，佢本新寫真集《忌廉雞湯》，昨日在書展首日銷量報捷，而佢上一本寫真集《我是尖東忌廉哥》都已經出到第六版，兩本都係賣$68。
昨日書展上，見到唔少人對佢愛不釋手，爭相購買。負責人話，一早都預計有好多人買，但係冇預料到銷情好成咁，所以已經不斷返貨。現場仲見到好多忌廉哥的周邊產品賣，仲有紙板越忌廉超人同大家影相。咁真的忌廉哥呢？21號先至出來舉行簽名會呀。
咁唔去書展，忌廉哥昨日當然係繼續留守尖東大本營。同佢做了個訪問，問佢新書大賣心情如何？忌廉哥以行動回應:就係食罐罐。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24