【本報訊】華潤電力除了被翻出幾年前的「舊賬」外，近月提出的併購亦一直為投資者所詬病。潤電5月時宣佈要併合系內的姊妹公司華潤燃氣，但市場就批評兩者業務協同效益有限，合併是「九唔搭八」。這宗具爭議性的交易，將在下周一（22日）在潤電的股東特別大會上表決，分析員相信最終獲「開綠燈」的機會甚微。
潤電5月10月公佈以換股形式併購潤燃，以當時雙方的收市價計算，潤電的換股比例，相當於潤燃的股東可獲得13%溢價。不過，市場對是次交易的反應奇差，消息公佈後潤電即遭投資者大舉洗倉，再加上昨日爆出宋林的貪腐疑雲，更令潤電股價再急插，兩個多月來累瀉逾27％，市值蒸發326億元。
須增發新股攤薄股東利益
有中資分析員表示，由於潤電併購潤燃，須要大舉增發新股，令股東權益受攤薄，故相信下周一要獲50%以上的獨立股東通過機會不大。「即使俾潤電成功『籌夠票』過到第一關，之後交易仲要再過潤燃的股東會，呢一關就仲難過。因為潤電股價已經跌到咁低，而潤燃股東係以接受潤電股份為收購代價，以現價計算，潤燃股東已經係要蝕住賣股份，所以冇可能會通過到」。
華潤系這宗打造「香港上市最大能源公司」的合併交易，一直被市場形容為「九唔搭八」。潤電經營的是傳統火電業務，被視為「夕陽行業」；相反潤燃做的是天然氣，在中央致力減低空氣污染、推廣清潔能源的政策底下，前景秀麗。將兩者合併，雙方可節省成本的空間甚少，但潤電就要大舉攤薄來進行收購，而潤燃的「增長故事」就會被淹沒，屬於「雙輸」局面。