熱火今季因為薪酬超過許可上限，所以要畀成差唔多3,300萬美元（約2.6億港元）嘅豪華稅。不過，日前球會宣佈，同10年加盟熱火嘅射手米克米拿（圖）解約，即時令豪華稅減咗超過一半。33歲嘅米克米拿係熱火連奪兩年總冠軍嘅重要成員之一，今次離開都可以算係功成身退。佢仲向記者講明白呢個係商業決定，仲多謝球會畀機會自己，去爭取總冠軍。