【珍惜生命】
年僅28歲的抗癌女模特兒鄧小琳，年初不敵癌魔離世，家人和朋友聯手編寫新書《我要笑着到最後》，藉小琳的樂觀堅強，勉勵年輕人珍惜生命，「無論任何事、任何病都阻唔到你做鍾意做嘅嘢」。
小琳患病前曾是模特兒，20歲時不幸驗出卵巢癌。她沒被病魔打沉，反而更珍惜每一天，堅持完成夢想。《我》由小琳大姊操刀，輯錄小琳朋友的文章，以朋友角度訴說與小琳的秘密，呈現她最後數年的抗癌路。
好友Chris憶述小琳接受標靶治療期間仍堅持到埃及旅行，「個嘴有十幾粒飛滋，淨係可以食燜到爛晒嘅米粉，但佢覺得一世人一定要去一次埃及」。她更無懼痛楚到死海暢泳，「游完個嘴揦到口齒不清，但佢冇嗌過痛，淨係不斷感嘆呢度好靚」。她的堅毅感動同行朋友，「唔好畀藉口自己，想做就去做」。
鄧太亦為女兒感驕傲，望藉小琳的故事勉勵年輕人珍惜生命，「有時見到唔認識嘅後生仔好容易放棄生命，會好心痛」。新書收益將撥捐慈善團體，圓小琳遺願。
《蘋果》記者