唐寧於2010年奉子成婚，下嫁舞台劇演員鄧偉傑，轉眼與唐寧像餅印的囝囝已經3歲，識行識走，十分精靈！日前唐寧一家三口到南丫島親子遊，全部着短褲仔家庭裝上陣。落船後，他們先買了一些地道小食，穿梭於大街小巷，然後去了公園乘涼，陪囝囝玩攀架。
陪囝囝踢波
逗留了約15分鐘後，唐寧一家三口行往碼頭方向，近日標榜天然健康兼成為健康飲品代言人的唐寧，選擇了一間有機健康食材雪糕店。入到店內，兩公婆分工合作，唐寧負責買食物及飲料，鄧偉傑則帶囝囝搵位。囝囝吃食雪糕時，鄧偉傑更忽發雅興扮嘢，發揮演藝細胞𠱁囝囝，非常搞笑。休息過後，一家三口再出動，齊齊到球場睇人踢波，之後唐寧還帶囝囝落場，母子檔踢番兩腳，樂也融融。
採訪、攝影：徐錦池、楊浩賢、陳辰
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！