（喜）至於史葛冼佳亞喺邊？咪隨曼城去咗南非踢季前熱身賽囉！由於曼城喺首場熱身賽爆冷輸咗畀超級聯盟0:2，新帥比歷連尼喺星期一，即刻要麾下球員加操舉鐵，連星級球員都走唔甩，好似正選門將赫特（圖）同新兵費蘭甸奴等，都一律要操。咁又係嘅，首場熱身賽已經輸咗，如果喺周四對阿瑪祖路嘅第2場熱身賽再有乜嘢閃失，相信比歷連尼都好難向老細蒙蘇交代。