平時行超市見到明星都算好難得，如果有明星做店員豈不是更過癮？《變形金剛》（Transformers）系列美國男星祖舒杜咸米爾（Josh Duhamel）上周趁歌手老婆Fergie未生得，去咗洛杉磯一間超市拍廣告賺奶粉錢，雖然喺廣告中佢係要宣傳汽水，不過祖舒一着圍裙就成個大細路咁款，學啲𡃁仔坐喺手推車度玩飛車！轉個頭祖舒抱起個男實Q，顯示大隻仔本色，之後佢又去收銀櫃位幫手，見到有靚女想畀錢，祖舒就懶可愛咁拎支掃描槍想嘟人過機，咁媾女法，因住老婆扭你耳仔呀。最搞笑係有人認得出祖舒，仲遞部電話畀佢睇，原來呢位女影迷係用祖舒個樣嚟做電話壁紙，真係估佢唔到。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！