汪明荃（阿姐）、許志安、鄭秀文（Sammi）及徐濠縈等昨日出席劉培基的作品展揭幕，安仔與女友Sammi前後腳出現，影大合照亦保持距離，安仔說：「今日重點係梅姐（梅艷芳）同劉培基，佢哋係我嘅恩人，劉培基當年帶我買第一套西裝褸做封面，要一萬六千蚊，我𠵱家都未必捨得買，嗰時要問公司借錢，不過出嚟效果好好。」他又感謝梅姐給機會。會否怕欣賞展覽忍不住喊？安仔說：「我相信佢想我哋開心。」
阿姐的第一個騷找劉培基設計演唱會歌衫，阿姐讚他的衫能帶出藝人的氣質，而阿姐借出憑《千王之王》獲當年的金唱片獎的捧獎晚裝作展覽。徐濠縈指老公陳奕迅大病，為免傳染已分床瞓，她又為老公日前個唱沒有安哥致歉。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！