最近同龔嘉欣、楊明拍緊無綫新劇《守業者》嘅岳華，上星期六71歲生日，噚日嘉欣同楊明以及陳智燊同岳華食飯補祝生日，仲將相放上微博。楊明噚日喺電話度話：「我哋唔係拍《守業者》外景，係大家專登約華哥去尖沙嘴食自助餐，佢太太恬妮都喺度。我哋前年拍《誰家灶頭無煙火》嗰陣好好感情，大家好似一家人，得閒都會約食飯㗎。」咁尊重前輩，抵讚。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！