【本報訊】有「露宿者契媽」之稱的曹德雪，擁有三間茶餐廳和一間製衣廠，原可過安逸生活，但她除了日常工作外，還落手落腳地服務一些別人眼中「無相干」的人，以致忙碌非常。她是長期病患者，「經常覺得好攰」，但仍堅持日做十多小時，幫助露宿者及貧窮兒童。
記者：廖婉薇
早上8時許，曹德雪與丈夫到街市，為茶餐廳買入海鮮食材，然後趕回舖頭；下午約2時，她跑到其寫字樓，處理製衣廠定單等事宜；傍晚5時半，原應是下班時間，她卻聯同兩名義工，將茶餐廳廚師煮好的約40人份晚餐，送到位於油麻地的露宿者行動委員會，為露宿者開飯及打點會務。晚上7時清場後，她才驚覺全日只吃過早餐，不停說：「真係好餓！」
別以為她精力無窮，原來她患了糖尿病及高血壓多年，「經常覺得好攰、腰痛、雙腳麻痹冇乜力！」醫生常勸她多休息，但她不聽，日做十多小時。現時，她每天吃十多種藥，每隔個半月驗身，每月藥費逾6,000元。最近，壞消息傳來，「醫生話我個腎有個泡」，現正等候化驗結果。
患病多年仍感幸福
下個月便62歲生日的曹德雪，自嘲：「家族係短命鬼，個個都係六十零（歲）就死，九兄弟姊妹死剩得三個，（我）就嚟排隊啦……所以要活得精采囉！」
她坦然面對家族病史，不希望女兒擔心而阻止她繼續服務。「最困難嘅時期都過咗，其實我真係好幸運，可以翻到身，仲可以做生意，𠵱家係我最幸福嘅時候，因為我可以做我想做嘅事。」
曹德雪中三畢業後做車衣女工，85年靠積蓄開加工廠，但95年因大客拖數而被迫清盤；她到製衣廠打工，97年獲舊客支持，在東莞開製衣廠，之後開辦基隆茶餐廳，開始幫助露宿者，現為露宿者行動委員會副主席；去年更幫助基層學童。
熟客林太一邊捉着曹雙手，一邊對記者說：「佢一唔返嚟（茶餐廳）兩日，我就打電話搵佢，驚佢有事！」又說：「佢（曹）做凸咗！乜人都幫，連街邊嘅人（露宿者）病咗，又送佢去睇醫生；連佢哋『去咗』（過身）都幫佢哋搞埋（身後事），唔怕污糟，我都做唔到，真係好感動！」幫了露宿者16年，曹德雪近年才鼓起勇氣接受傳媒訪問，希望感染更多人做義工，為露宿者提供膳食服務：「佢哋咁嘅人生階段，最需要人照顧，我唔會放棄佢哋！」
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24