今年是梅艷芳逝世十周年，摯友時裝及形象設計師劉培基昨日在沙田的香港文化博物館為「他Fashion傳奇Eddie Lau 她Image百變 劉培基」作品展進行揭幕儀式，展期由今日起至明年1月13日，展出他近70套作品，包括20多套阿梅的舞台服。一眾好友白雪仙、陳寶珠、馮寶寶、鄭秀文、許志安、周迅、林燕妮及徐濠縈等到場，儀式由劉培基、白雪仙、政務司司長林鄭月娥等主持，仙姐甫見劉培基即咀嘴吻賀，大讚他做的衫靚絕。
劉培基受訪時兩度落淚，身旁的阿詩也落淚，他表示展覽籌備兩年：「82年7月18日，有個女歌手唱《風的季節》，我認識咗佢，估唔到呢個合作驚動80年代，佢就係百變梅艷芳，最感動係我人生中突然有個親人，因為我係冇親人。我只承認呢一生人，只為一個人做形象設計，就係梅艷芳，其他只係為佢哋做舞台服。」
阿詩感觸落淚
今年沒有紀念阿梅的演唱會，劉培基不覺可惜，因無人能取代其歌聲：「佢所做嘅一切有情有義，唔可以質疑佢人格。」他再激動落淚談到阿梅留了物業給他，他說：「我估唔到佢會立一份咁嘅遺囑，令我好黯然，有咗個親人咁。」劉培基表示最喜歡阿梅的白色婚紗，是他人生中最好的設計：「當日阿梅同我講設計件婚紗，點解咁多才多藝嘅女人，冇一個男人鍾意佢，點解要着套婚紗嫁畀舞台，又搵邊個同佢揭頭紗呢？所以我設計到唔使揭起。」他又說捐贈部份作品給博物館沒有不捨：「最愛嘅人已捨我而去，博物館比我保存更好。」
到場幫手的阿詩說：「我噚日預先睇咗，驚今日感觸，最激動係見到Eddie做畀我《愛的延續》套衫，因為用番梅姐衫嘅布料做，忍唔住喊。」有否邀請梅媽出席？阿詩避談指不是由她決定。是次展出劉培基首度為阿梅設計的服裝，阿梅最後演唱會穿的婚紗及紅色舞台服外，也展出了他為白雪仙、羅文、汪明荃、林燕妮等設計的服裝。展覽中亦有劉培基由孩童至今的歷程、珍貴照片、時裝草圖及表演紀錄片等。
採訪：溫敏芝
攝影：陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！