書展作者簽名會大排長龍就聽得多，但有冇聽過有作者為求吸引fans求簽名，竟然出動價值27萬大禮送畀人？SONY電腦娛樂香港董事總經理項明生（圖）會喺書展推出三本旅遊書，佢老哥會出席四場活動，竟然有辦法班到十幾個國際品牌，贊助咗合共27萬元嘅禮物派街坊。
啲獎品都吸引㗎，例如有SHISEIDO防曬美白旅行組合、復「黑」皮革旅行箱、仲有奶黃月餅、100蚊電子機票現金券等等。係呀，排隊簽個名就有得送月餅，呢啲筍嘢，今時今日，真係唔知喺邊度搵到㗎，若計「賣大包指數」，今次項明生肯定遠勝啲谷胸出寫真嘅𡃁模，堪稱年度最出血作家！