【本報訊】「我係本土派，一定唔會讓出呢個名！」本土意識先鋒、書展年度作家陳冠中坦言，70年代已於《號外》談論香港這片「吾鄉吾土」，而香港本土意識從來都是開放包容，就像80年代流行曲是「日曲中詞菲演奏」，可惜近來遭「騎劫」，「有啲掌握公共領域嘅人故意挑起中港仇恨」，令本地意識成為狹隘的排外。
記者：翁煜雄
陳冠中稱，其創辦的《號外》70年代已製作懷舊專輯，可謂本土意識的種子，「當時懷舊只係指30年代嘅上海，但我哋班人只係緬懷60年代，我哋年輕嘅生活」。。
情懷已由80後、90後接棒，守護皇后碼頭、反高鐵、捍衞新界東北都是為了「吾鄉吾土」。他說：「好開心，有更多人愛自己嘅土地。以前嘅香港人計較利益，但佢哋𠵱家本身未必住喺果度，唔係為自己利益。」他說近年內地城市屢遭破壞，因地方官往往由中央任命空降，「為咗政績大肆破壞，起新建築物。」只有生於斯的才會真心愛這片土地。
本地意識抬頭，排外隨之而來？「呢個只係狹窄嘅本土意識。」他說，香港本土意識一直開放，港人是由移民組成，對外來物都是吸收若渴，像80年代流行曲，曲改編自日本，音樂由菲籍樂手演奏，詞卻可填入言簡意賅文言，成為具香港特色的流行產物。他說，本土的定義已須接受挑戰，「乜係香港人？住得耐就叫香港人？有啲外國人早過我哋嚟香港喎」。他說本土意識也須擁抱普世價值，否則極端本土意識便可能發展成極端排外的民族、種族主義。「𠵱家係中港磨合。」他說港人30年前已主動跑到內地打開這扇門，兩地交集繁多，多少愛恨情仇每天上演。
兩地交流必有磨擦
中港矛盾天天發生。「好似一場免費演唱會，唔可以畀所有人入場，但只要派票、管理做得好，就冇問題。應該鬧管理個嗰，唔係應該鬧憑票入場嘅觀眾。」他說自由行開放已逾10年，本地客量已升至4,000多萬人，但政府遲遲未作配合，「無論旅遊、關口設施都唔足夠」。
陳雲的新書繼續認為中港應區隔，陳冠中說兩地交流必有磨擦，但有些人卻似故意挑起兩地仇恨，將兩地人「二元對立」，「其實，一樣米養百樣人，唔係全部內地人都一樣，香港人都唔係啦」。陳冠中去年曾呼籲別讓蝗蟲論生根，激化中港矛盾，結果遭陳雲狠批為「賣港賊」，陳冠中說：「或者佢第時會後悔，因為發現自己係錯㗎囉。」
「本土元老」陳冠中將到書展出席分享會，而剛好罵他「賣港賊」的「城邦祖師」陳雲也會走出鍵盤戰線推介新書，看來一場本地意識爭論一觸即發。
陳冠中簡介
出生：1952年於上海出生，四歲來港
學歷：
1974年香港大學社會科學學士
後轉到美國波士頓大學進修新聞學
2012年獲香港大學名譽大學院士銜
文化界工作：
1976年創辦《號外》雜誌，任總編輯及出版人23年
1981年開始創作劇本，監製及策劃十多齣港產片及三齣美國電影
80年代把白先勇《謫仙記》及張愛玲《傾城之戀》改編成舞台劇
90年代在國內參與雜誌、電視及唱片公司工作
1994年到台灣居住，參與電視台工作
2000年移居北京，繼續寫作
作品：《什麼都沒有發生》、《我們這一代香港人》、《事後》、《下一個十年》、《盛世》、《裸命》等
資料來源:《蘋果》資料室
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24