一蘭拉麵喺高峯期一度要等四粒鐘先有得食，但一蘭係咪真係咁犀利？唔少佢嘅同鄉就唔係咁認同。日本拉麵館場Ramen Champion噚日就喺九龍灣megaBOX開幕，裏面有六間日本嚟嘅拉麵店，負責人Jacky話一蘭雖然有名，但話晒得一間，但呢度就有六種唔同口味，包括九州、北海道、德島、東京，又話有8,000呎地方都大啲啦。咁講即係六個打一個，又擺明話一蘭舖頭細啫。
其實，佢哋本身都要打生打死㗎，因為六間麵檔要互鬥，鬥生意好、鬥食客評分，一年後一定要out一間，成績最差嘅就要拜拜，由日本另一間拉麵檔頂替。Ramen Champion喺佐敦都有分店，都係排晒長龍。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24