書展明日開鑼，除了𡃁模「胸」群亂舞出性感寫真外，多位藝人亦紛紛出書搶灘，由黃耀明、何韻詩及趙式芝等組成的大愛同盟推出《大愛同誌》新書，為不同性向的小眾發聲，明哥更親自撰文宣揚大愛：「今日的我不再孤單，不再是一個small town boy在途上。」大愛同盟又請到劉若英（奶茶）及魏如萱、吳嘉龍及湯駿業為書中同志小說拍插圖，兩女鼻頂鼻共食一隻荷包蛋甜蜜纏綿，兩男依偎亦很有《春光乍洩》feel。
人妻奶茶是女同志眼中的女神，她亦坦言有很多同志好友：「女孩喜歡女孩很正常，女人活得比男人健康的原因，是女人可以share的情感比男生多，我尊重每個人對愛人的感受。」書中除請到林夕、蔡康永撰文外，亦訪問了何韻詩父母，而明哥、阿詩及趙式芝將於周日在會展舉行簽書會。
哥昨接受電話訪問時表示感謝奶茶幫忙：「最重要畀大家睇到同志生活同大家冇分別，唔好覺得我哋係洪水猛獸！偶像公開同性戀身份，畀我好大勇氣，雖然過咗咁多年，社會未夠開放畀性小眾活得坦然。」
艾威爆山聰唔似失戀
而艾威昨於佐敦舉行新書《情聖賭神之終極一注》發佈會。問到會否提議好友陳山聰出書教人如何入豪門？他說：「山聰呢個係奇遇，兩星期前見過佢，好活潑開朗，唔似失戀。」至於松岡李那則袋6位數酬勞，拍攝動漫人物櫻桃小丸子特刊，她表示最喜歡花輪同學，問到可覺得緋聞男友林德信似花輪？她笑說：「一啲都唔似！花輪可愛啲。」
撰文：林妃
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！