【中環】英國時裝品牌Topshop喺中環開店後，吸引咗好多人去朝聖，日前傍晚6點幾，無綫小花姚子羚就約埋女友人去掃貨，佢睇中一對5吋高踭鞋，黑白兩色都着晒上腳照鏡，試行咗成三、四個圈，最後揀咗白色，女友人好有耐性陪佢，仲做阿四幫佢攞埋手袋，方便佢試鞋㖭，認真好姐妹，揀完鞋後姚子羚再去時裝部試衫，攞咗成四、五件入試身室慢慢試，睇嚟佢今次收穫唔錯噃！
採訪、攝影：梁繼光
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！