吳鎮宇、張智霖（Chilam）及胡杏兒主演的無綫重頭劇《衝上雲霄II》昨晚首播，Chilam、杏兒及吳卓羲早前往新加坡谷劇，到當地的Suntec City舉行劇迷見面會。吳卓羲搞鬼地笑言自細已看Chilam演出，明踩他年紀大。
《衝II》昨晚首播，但有約3分鐘片段昨早已率先曝光，片段來自大馬Astro華麗台，這個台跟TVBI有合作，難怪有官方片段。片段開始是鎮宇回想上一輯跟杏兒的相愛片段，接着講吳卓羲見到今輯杏兒扮演的維修員。另外，有報道指因陳法拉拒谷劇，遭鎮宇與Chilam鬧爆，不過鎮宇經理人昨日代澄清：「鎮宇同所有演員合作愉快。」監製兼編審歐冠英亦說：「冇發生過呢件事，同法拉度緊期宣傳。」
撰文：葉雪
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！