「改善」變「優化」、「趨勢」變「勢頭」、「最重要」變「重中之重」……每次聽梁振英講嘢，係咪都覺得好似返咗大陸呢？香港本土嘅毛孟靜同埋范國威，批評狼英經常使用大陸措詞，帶頭清洗香港文字，呼籲全港上下要捍衞香港嘅語言。兩人仲去信畀通訊事務局，話關注新聞報道經常使用內地譯名同埋措詞，情況令人憂慮。Miss Mo話，文字主宰意識形態同立場，喺香港大量使用內地用語，形同洗腦嘅政治工具，一點一滴清洗本地文化同語言。佢呼籲，平日記者見到政府官員用埋呢啲大陸用語，應該自動改番做香港用語，又希望泛民公開發言時，唔好再「加大力度」、「優化」等等嘅肉酸文字。