【轉移陣地】
昔日勞動密集、製衣廠林立的廣東，如今隨着「騰籠換鳥」、「築巢引鳳」等措施，廠家受不住高工資、高成本的經營環境，紛紛外撤。廣東省省長朱小丹於去年全國兩會，被問到廣東高成本對外商的影響時，即呼籲商人可到成本較低的粵西發展。於廣東從事製衣逾十年的港商稱︰「五年前，一張單可以食到六成左右，𠵱家得三、四成，畀人工都唔夠，仲有水電費，喺東莞、深圳啲廠全部要執，𠵱家喺佛山仲有得做已經好彩。」
製衣及紡織業界立法會議員鍾國斌則認為，廣東一帶已非製衣界福地︰「現時工資，加埋社保、包食包住，一個內地工人要成4,000蚊人民幣一個月，即係約5,000蚊港紙，今年省兩會，仲話到2020年GDP要翻一番，換言之，到2020年，一個內地工人一個月超過1萬蚊人民幣，你就算去到粵西，我當你平三成，都要7,000蚊，咁嘅成本點同出面競爭？」他認為，未來廣東仍會有一些高技術但低產量的中小企，但大廠、大定單將會集中緬甸、越南、柬埔寨等東南亞國家。「當地的政治因素同基建落後會帶來一定風險，但成本較低，相信好多廠家唔介意做開荒牛。」