第二集《星夢傳奇》昨晚播出，新加盟參賽者為李璧琦及張明偉，李璧琦獻唱歌劇《Think of me》，現場亦放了白煙。自言學過聲樂的李璧琦，果然技驚四座，唱得唔錯，唔怪得連星級評判葉蒨文都自謙冇資格評分，葉蒨文俾90分，而巫啟賢就75分，唔知係咪上次狠批梁烈唯唱得唔好的評語被刪走，而惹起爭議，今次無綫竟然冇刪走巫啟賢向無綫柴台評語，巫啟賢話：「慳啲啦，好貴O架O的煙！唱歌劇連室內溫度都要調節得好好，唔可以有煙！」
而李璧琦成績理想，得到合共174.8高分，僅次於第一名o既鄭俊弘。
鄭俊弘持續好表現，佢以《Angels》一曲參賽，仲獻俾已離世公公，由於感情真摯，贏盡掌聲，而巫啟賢亦俾90分高分，佢話鄭俊弘歌聲打動佢；而葉蒨文就俾98分，讚佢唱歌有靈魂，聽到佢都毛管戙。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24