美國航空資料網站公佈全球35個國際機場的準點率排名，北京和上海浦東包辦最尾兩名。意外嗎？經常返大陸出差的，應該不會意外吧！
記得「我哋冇領導，但係有制度」嗎？因為領導要買煙，武警可以阻止飛機起飛；自己遲到在先，政協可無理掟嘢兼怒罵地勤；還有那該死的航空管制，在特權階級充斥且不吝行使的京城，試問飛機點能夠唔delay。
國民的劣根性、管理差無疑令人詬病，強國同胞在新年做的滿意度調查倒也誠實，有在本港上市的北京首都機場（694）和海南島美蘭機場（357），分別排尾四和第二，這也解釋了為何全球第二繁忙的首都機場股價由年初高位回落28%，美蘭仍強勢地在一年高位徘徊。
睇舊年業績，首都和美蘭在飛機起降架次、旅客吞吐量難分高下，而首都淨利潤增5.3%至12億元（人民幣．下同），較美蘭2.8%更高，仲唔係要追落後？不過睇市盈率，美蘭僅9.55倍，較首都的15倍平，加上發改委已同意美蘭開展第二期擴建和地方政府落力發展旅遊，都是跟美蘭好！
Samantha
本欄逢周一、三、五刊出