【本報訊】新界東北滅村在即，發展局局長陳茂波昨再度在網誌撰文，表明新發展區無可能「不遷不拆」，因為古洞村及馬屎埔村分別座落日後擬建的港鐵古洞站及公共交通交滙處，故必須遷拆兩村。古洞村村民指，政府只是強搶民產，因為村民是喜歡鄉郊生活才不願搬走，「幾代人住喺度咁多年，拆咗之後仲可以去邊住」？
記者：梁德倫
陳茂波在網誌稱，以古洞北發展區為例，由於落馬洲支線早已預留位置建古洞站，按一貫規劃及城市設計原則，鐵路站方圓會劃為市中心興建高密度住宅，為日後令古洞八成人口居住在鐵路站方圓500米範圍內，故座落其中的古洞村必須遷拆。
位處交通交滙點
他又指，粉嶺北新發展區會在東西各設一個公共交通交滙點，分別設立高密度市中心。由於馬屎埔村座落於發展區東邊的住宅和商業群中，是發展的主要部份之一，故必須遷拆。陳茂波又「出口術」，指有些受影響的農莊位處現時的交通幹道旁，基建設備完善，所以相對於農耕活動更適宜高密度發展。他又稱「有些受影響人士是近幾年才搬到該處……並非單靠務農維生，同時經營社區農莊及舉辦其他活動」，擺明針對反對方案人士。
公民黨、民主黨及工黨成員昨到古洞村探訪老村民，了解村民訴求。在村內住了60多年的鄧桔榮指，多年來都一直務農維生，現時已買下村內近萬呎土地用作耕種及住屋。他表示，過去一直種菜維持生計，「靠呢樣嘢養大兩個仔」。現時兩子也開枝散葉合共5名孫兒。他希望能一直住下去，「我知擋唔住政府收地，但我哋真係想繼續種落去」。
其子鄧連勝指，日前曾到政府提出的古洞南復耕地視察，發現不少土地已被人購買並荒廢，「得番一幅地可以用，政府真係可以叫私人發展商租畀我哋耕田？」他又批評政府的發展計劃是「搶地」：「所謂搬遷賠償咪就係割你一刀，然後畀塊膠布你搞掂。」
「叫我哋死快啲」
由上一代居於古洞至今的鄭伯今年已76歲，現時三代人約20人同住，他表明不願遷走，「我哋就係鍾意鄉郊生活先留喺度咋，叫老人家上樓即係叫我哋死快啲！」他直言村內多位老人家幾年來聞說收地發展，已經寢食難安精神受壓，他又批評所謂的特惠賠償60萬元根本不足以搬遷：「你60萬邊夠人起番間屋呀？」
68歲的余婆婆則在古洞務農多年，也曾養過豬，現時主要種菜及果樹。她指，若老人家要離開鄉村很易抑鬱，「我呢度同鄰里關係好好，上到樓就對住四邊牆」。
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24