（哀）有傳同國家隊兼球會隊友卡斯拿斯「冇偈傾」嘅艾比路亞（小圖），踢完洲際國家盃後之後，家陣就走咗去度假順便差一差電。不過，呢名皇馬兼西班牙國腳右閘，日前喺西班牙華倫西亞同親朋戚友一行11人，出海遊船河就幾乎樂極生悲；事緣佢哋嘅遊艇懷疑喺海中心撞到巨石，隨即發生沉船意外（圖），幸好佢哋致電求助之後，最終各人都安然無恙，總算係虛驚一場。