通達（698）上周五喺近兩個月低位，成交先嚟料，買定博盈喜。通達主打手機精密外殼及電腦配件產銷。今年上半年，keep住爆單，毛利率亦提升。喺智能手機熱賣潮下，通達呢轉食到應一應。又集團營收上到34億銀，size唔細，毛利率提升，成為純利額外增長動力。以毛利率每1%升幅計，毛利可額外增加3,400萬銀。好有理由相信，通達嚟緊半年度成績單，好省鏡。係咁意計數，通達2013年度EPS增長25%到7.9仙，預期PE跌到得番5.9倍。又集團好保守咁keep住上年每股派息2仙，息率回報都講緊4.3厘。博翻半番到0.71元，預期PE不過8倍單位數。
海王睇升38%
海王（070）到上年尾嘅2013年半年度，純利增長27%到1.7億銀。半年結打後，濠賭業繼續好景，海王博彩中介人業務，肥仔水。集團又快公佈業績，又有盈喜可博。又係咁意計數，2013年度純利keep住增長27%到3.6億銀，PE繼續低企兩倍。博盈喜，海王升番上一年長方形頂0.23元，潛在回報率38%，PE繼續超低殘。
錢雋