歐陽震華（Bobby）早前俾人影到去內地夜總會玩，前晚佢同商天娥喺西環一齊慶祝生日。早前Bobby疑飲酒太多入過ICU死裏逃生，問會唔會再飲？佢話：「冇諗飲又冇諗唔飲，但要㩒住太太，驚佢幫我頂酒。」問娥姐老公送咗乜嘢禮物？佢欲言又止，記者發現佢戴咗隻約兩卡嘅鑽戒，娥姐甜笑話：「碎鑽嚟啫，唔在乎呢啲。」盧惠光現身時被問起前妻黎淑賢離婚嘅事，佢即刻匆匆入場唔回應。
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！