憑《星夢傳奇》上位的鄭俊弘昨日與高鈞賢在紅磡出席活動，今次是鄭俊弘第一個搵錢外快騷，他自言酬勞滿意。現場他獻唱兩首歌，獲得不少掌聲。
鄭俊弘感觸到眼濕濕說：「感覺好好，呢個騷係《星夢》出街後接，幫咗我好多，好珍惜每次唱歌機會，等咗十年嘞。」原來他能歌擅「武」，六歲開始學武術，早前他在訪問中透露戶口餘下50元，他說：「諗番都好擔心，今日轉的士嚟時，司機都有鼓勵我，話今晚會睇《星夢》。」問緋聞女友姜麗文有否鼓勵他？他說：「個個都有。」對於鄭世豪斥無綫造假，他說：「佢有message畀我話唔好意思，話估唔到佢講嘢都有人理，我叫佢唔使唔開心。」
採訪：溫敏芝
攝影：仇志德
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24