講開港機工程（044）同《衝上雲霄II》，劇集中，胡杏兒飾演嘅角色正是做飛機維修，現實生活中，港機工程亦有出色嘅女維修員。
技術員李穎濤有前途
其實中五畢業，已經可以申請加入港機做見習飛機維修員，月薪約一萬元，之後不斷培訓、考牌、升級，最快7至8年可以成為工程師，到時月薪至少4.2萬元，難怪財爺都讚好。
港機亦有位叻叻嘅女技術員李穎濤（Cindy），佢1999年會考畢業，完成高級文憑課程後加入港機，一邊工作，一邊接受培訓同考牌，今年五月獲港機批出「簽發放行飛機資格」，可以簽批機艙內部嘅維修工程，係首位女技術員獲港機批出呢個資格。再過三年，繼續考牌，佢應該可以升為工程師。
當然，飛機維修呢行仍以男性為主，女性屬於萬綠叢中一點紅。