【贏錢不易】
窩輪市場成交均由高頻炒家佔絕大多數，估計佔比多達九成，但業內人士慨嘆，近年已「越來越難贏錢」。有高頻窩輪炒家接受本報訪問時坦言，窩輪炒作高峯期實際已過，近年不少輪商退出市場，更表明已有萎縮先兆，加上莊家「屈機」，「兩年前講緊每個月搵20至30萬，𠵱家係搵10萬蚊都難……平均都係搵兩、三萬蚊。」
「睇啱十次只贏六次」
以高頻炒作窩輪為職業、入行兩年的洪先生指，高頻交易關鍵時刻是開市首40分鐘，「全日要點做就係睇呢段時間」，他每次成交都幾乎全數投放20萬本金，每日買賣平均達30次，高峯時每日更達60次，「炒一口貨攞100萬股，升一格已經有1,000蚊贏。」
他指現時市場漸見收縮，「搶貨」變得艱難，加上莊家「調價」漸明顯，「即係正股升，call輪開價竟然係跌，夾硬逼你輸……以前講緊睇啱方向就十次有八次贏，𠵱家睇啱十次先得六次贏。」另一位高頻炒家李先生則表示，除了莊家開價問題，市場湧現的可疑交易亦誤導市場，不少行家深感「難搵食」而退出。
另外，洪先生指高頻客炒賣時間短，時間值耗損低，但普通散戶「輸錢會坐，博翻身」，結果只會越等越損手，坦言「窩輪市場唔係街客贏錢的地方」。