無綫重頭劇《衝上雲霄II》今晚首播，並於昨日在尖沙嘴舉行記者會，吳鎮宇、胡杏兒、馬國明和吳卓羲等演員均盛裝出席。宣傳過後，鎮宇今日將返內地拍電影，他笑說：「今次係最後一次宣傳喇，結局收視好，有面就返嚟！」
打扮密實的胡杏兒被性感上陣的沈卓盈、朱晨麗、胡定欣和阿雪等比下去，杏兒笑說：「我獻醜不如藏拙喇！我今日係sell型而唔係性感。」今日杏兒也返內地拍劇，至年尾便回無綫拍劇，問她會否在內地置業，她說：「唔會喇，內地買樓要搵人打理，感覺好似好遙遠，所以暫時會喺香港買。」不少網民不滿意馬國明和江美儀的「姊弟戀」，馬國明說：「咁咪好囉，多啲人討論咪多啲人睇，如果劇本寫我鍾意個跛，都冇所謂。」
採訪：何慧斯
攝影：陳俊強
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24