【本報訊】暑假殺到，本港多間酒店推出本地住宿優惠套餐，搶奪留港度夏日的家庭客，部份酒店的套餐，聲稱較正價平三成。有酒店更落重本打造卡通人物如Thomas & Friends 、IQ博士等主題房討兒童歡心，也有酒店獨家推兒童美甲服務招徠。受通脹影響，今年暑假住宿套餐加價近一成。
記者：蔡朗清
屯門黄金海岸酒店以Thomas & Friends為主題，打造消暑智趣Fun水樂園，一家三口入住連三人自助早餐，1,489元起，並享酒店戶外水上活動如水戰場，滑水梯等，又可參加木頭火車製作坊，將大小朋友一網打盡。酒店總經理韓鵬程指出，客人更可選擇Thomas主題房，與卡通人物近距離接觸，「今次套餐新增咗好多活動，價錢比舊年加咗約8%。暑假訂房唔錯，料入住率達92%，按年升2%」。
12呎高小雲迎賓
汀九帝景酒店則將酒店化身為天神村，放滿經典卡通片IQ博士等人物公仔。記者進入大堂，高達12呎小雲公仔迎賓。巿場傳訊經理冼志欣表示，近年越來越多家庭在暑假入住酒店度假，故今次以開心的IQ博士為住宿主題，入住一晚包父母及一位小朋友自助早餐及下午茶，只需1,188元，小朋友更可參加暑期學堂學造甜餅。識飲識食住宿計劃則多包自助晚餐，食品包括儍瓜超人酸梅乾壽司，「酒店特別做咗六間IQ博士主題房，放咗小雲咕𠱸、小雲最鍾意嗰嚿屎，小雲水杯仲可以拎走㖭」。
沙田凱悅酒店的暑假夏日家庭度假營，每晚房價1,480元起。酒店發言人指，套餐價錢較正價平三成，「平日就一間雙人房就要1,200元，𠵱家包埋雙人自助早餐，6歲細路仔又免費，再包兩杯飲品、單車等，價值過千蚊。」套餐還包括兒童廚藝班或兒童手部美甲等，任擇其一，「同兒童做美甲，喺香港酒店只有凱悅有做，因為兒童皮膚較嫩，要用貴價嘅護膚品」。
如心南灣海景酒店的海洋公園住宿套餐，住宿連自助早餐及兩張兩日成人海洋公園入場券，售1,688元；加多一名小朋友，售1,788元。另皇家太平洋酒店亦推出夏日自助晚餐，特設雪糕大集會搶小朋友，在其facebook下載優惠券享75折優惠。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24